2017見證集 2017見證集
顯示19項結果的1 - 10項。
每頁項目數量
網頁 _ 2
最新見證 最新見證

   

    議長、列位特會員牧長、學校代表(立德國中洪瑞鍇校長與永清國小葉麗錦校長)、主內妹,大家平安感謝上帝揀選夫婦成做祂的工人,當年阮傳道封牧授職的禮拜,是二人站作伙講就任詞,今仔日阮猶原同心作伙來分享上帝的恩典。感謝大家今天下午特別撥恁寶貴的時間,來參加阮的就任禮拜感謝列位特會員的服事,恁的幫助成做阮鼓勵滿心感謝

  感謝阮的父母,弟兄姐妹及親人,恁知樣阮佇牧會需要主的智慧及幫助,常常為阮代禱。也感謝志忠與碧鄉的母會茄典教會與大順教會,以及多多牧者、信仰長輩,對阮的關心,恁的鼓勵互阮佇牧會感覺不孤單,更加有氣力。

  感謝鳳山北門教會長執妹,阮夫婦自1999年台南神學院研究所畢業後21年又3個月的年日大家及阮的家庭同心同行作伙服事的過程有喜樂有目屎,充滿感恩的見證,有多多上帝恩典的痕跡;感謝恁愛惜阮照顧阮的家庭,陪伴阮子以理從出世到現在已經是少年家啊,親像親人的情感,多多的感動,一世人攏會留落佇阮的心中,阮會帶著恁的祝福繼續向前跑走。願主賜福鳳山北門教會佇新任牧師的牧養下面,更加成長復興。

  感謝上帝憐憫與恩典備辦阮第二個牧會的禾場。2002.5.18夫婦封牧就任鳳山北門教會牧師,那年是陳明志牧師做中會議長,為阮主持封牧授職的禮典。牧會21年後,感謝得著陳明志牧師及左營教會聘牧小組邀請兄弟姐妹的接納,成做左營教會的牧者。

  感謝左營教會歷任牧者付出(連江河與黃芳苑牧師夫婦,以及張佳韻牧師)特別佇陳明志牧師及牧師娘25年多用心牧養,長執同工及兄同心努力,讓左營教會成做一間優質的教會無論佇教會起造亦是社區宣教,攏有真好的根基以阮的能力,講實在欲接續陳牧師後面來牧養,可以說是「吃落好幾罐的好膽藥總是陳明志牧師實在是真好、真謙卑的牧者他及牧師娘鼓勵阮、幫助阮多多日後有空,歡迎恁回來佮阮鼓勵

  也感謝小會議長莊聖佳牧師在這段期間用心來協助阮及左營教會,互教會的聖工一切順利來進行,感謝你的著磨,願上帝記念你的辛苦!

  佇上主日11/1任,看到長執同工用感謝的心及行動在服事,感受著兄姐對牧師的敬重牧師夫婦盼望咱左營教會長執信徒們,能夠按照咱的週報8頁「基督徒屬靈生活目標」第6點:『每週務必為傳教者代禱』讓牧師有健康的靈魂體,帶領恁做主的工!懇求聖神引導幫助互左營教會:

1.成做一間有主真好的教會

  用基督的心做心凡事尊主做大。盼望佇未來(1)牧師忠實教導上帝話語,在穩定中展開宣教的機會。(2)長執信徒敬拜、奉獻、服事、關懷、造就訓練,繼續同心合意活出有主真好的生命,更多人因為我們所做的工,更領受的救恩,得救的人更加添!

2.成做一間有你真好的教會

  阮子以理細漢的時,真愛看一卡通叫做海賊王,有時阮也會陪他作伙看裡面的人物有不同的特色及能力,他們的終極目標就是欲走找傳說中神秘的寶。吸引人的所在,是這群人他們怎樣佇找寶物的過程中困難的時我挺你,互相幫助歡喜的時同享受同分享,因為有同伴作伙,團結同心就不驚頭前遇到的困難及挑戰。親像傳道書四講到「二人總比一人卡好,因為他們相及著磨得著好的效果;若是跌倒,此人通扶他的同伴起來;單單一人就人會拍他,若有二人就會扺當他,三股的索無快快斷」。在跑走天路的過程,咱需要上帝也需要同伴在服事的時在生活中需要同伴因為有伴,咱能凍同歡喜同悲傷,彼此接納相包容、彼此代禱相扶持,彼此相招向上帝為咱所插的標來跑走,彼此發揮上帝互咱不同的恩賜來成就上帝所交託給咱的使命。

  左營教會的兄姐,咱每一個人攏是這個大家庭的一分子,今阮的家庭也加入佇恁的中間,來因為有咱作伙參與互咱的教會更卡好,互福音能凍傳開闊,盼望咱同作伴,繼續來寫左營教會的歷史!最後擱一次感謝大家,特別收到多多教會、單位所寄來的詞,有一些部份因為程序單已經作好,所以補貼在公佈欄,請包含!請大家為阮的家庭及左營教會來禱告,願上帝的恩典滿滿及咱同在。